Hvernig vilt þú að næsti kafli lífsins verði?

Fram úr væntingum
Námið er frábært og það hefur farið fram úr væntingum mínum. Ég er þegar farin að nýta mér mjög margt sem ég hef lært og margt er farið að fléttast inn i minn lífsstíl og viðhorf. Ég mæli því heilshugar með Magnavita við alla sem hafa hug á að bæta við sig þekkingu og hafa til þess svigrúm og tíma.

Ein besta ákvörðun sem ég hef tekið í lífinu
Fyrir mig var þetta ekki bara nám heldur raunverulegt ferðalag sem opnaði nýjar dyr, bæði inn á við og út á við. Hver kennsludagur var eins og að opna lítið töfrabox fullt af innsýn, hugmyndum og lífsvisku.
Námið gaf mér frekari trú á sjálfa mig og jákvæða sýn á það sem framundan er.

Í náminu gerast galdrar
Ég fór í Magnavita námið til að læra hvernig ég gæti fengið það besta úr þriðja æviskeiðinu, aukið líkurnar á góðri heilsu, tryggt fjármálin og fundið tilgang.

Fjárfesting í framtíðinni
Mér fannst ég þurfa að ýta við sjálfum mér með ýmsa þætti í lífinu. Námskeið í sálfræði, heimspeki og heilsutengdum málefnum pössuðu vel inn í þær pælingar.

Allt annað og meira en við áttum von á
Við höfðum sótt fjölda námskeiða í gegnum árin í bankanum og töldum okkur vel undirbúnar fyrir þriðja æviskeiðið. Magnavita reyndist vera allt annað og meira en við áttum von á.

Magnavita námið er magnað!
Í náminu fékk ég dýrmæta verkfærakistu sem stöðugt sannar gildi sitt. Verkfærin gagnast mér vel á mikilvægum umbreytingatíma í lífinu og til framtíðar. Ég mæli af heilum hug með náminu fyrir fólk á aldrinum 55-75 ára, sérstaklega hvet ég karla til að skrá sig í námið.

Magnavita hefur jákvæð áhrif á starfsfólk
Við höfum séð hversu jákvæð áhrif Magnavita námið hefur haft á starfsfólk sem er að undirbúa næsta kafla lífsins. Það er afar hvetjandi að fylgjast með fólki staldra við, setja sér ný markmið og horfa með jákvæðum augum á þriðja æviskeiðið.

Við fengum kynningu og leist strax vel á
Við hjá RB fengum kynningu á Magnavita náminu og leist strax vel á. Hjá okkur er hópur starfsfólks sem er að nálgast þriðja æviskeiðið og til að undirbúa hópinn fyrir þann spennandi tíma sem er framundan ákváðum við að styrkja starfsfólk til námsins. Vilborg er ein þeirra og við höfum fengið að fylgjast með náminu í gegnum hana og er skemmst frá því að segja að hún hefur verið mjög ánægð.

Fjölbreytni Magnavita námsins og góðir leiðbeinendur
Fjölbreytni Magnavita námsins og góðir leiðbeinendur í hinum mismunandi viðfangsefnum hafa vakið hjá mér gleði og áhuga á framtíðinni. Það er tilhlökkunarefni að mæta í skóla hvern dag.